terça-feira, março 31, 2009

AMÉN

O Encontro Irmandiño só pactará coa militancia

O "quintanismo" esíxelle á UPG, para iren xuntos á asemblea, que o candidato a voceiro nacional non sexa dos de Paco Rodríguez

O de "esíxelle" é o típico eufemismo...

A ver se non fora certo.

segunda-feira, março 30, 2009

AÍ ESTAMOS, MARCANDO ESTILO...

Entrevista a Paco Rodríguez en El País. 29/03/2009 (si, 2009...)

La cita es "en el partido". Y éste no es otro que la Unión do Povo Galego (UPG), de ideología comunista y nacionalista y núcleo hegemónico del BNG. Rodeado de gastados volúmenes sobre Lenin, Rodríguez analiza en el pequeño piso que sirve de sede a la U los retos del BNG en una conversación mantenida en gallego. "No se olvide de ponerlo", repite con insistencia.

domingo, março 29, 2009

(HIPOCRISÍA) POLÍTICA

Ao fío do pacto PSOE-PP en Euskadi vese ben as claras o poderoso que pode resultar o aparello político-mediático centralista.

- Cando se producira o Pacto de Estella (Acordos de Lizarra) dixéronnos que dividía á sociedade e que unha parte non podía gobernar a un país contra a outra. Vale. Entón agora? PP e PSOE (repito: PP e PSOE!) van gobernar xuntos Euskadi... Que di a media española?....
- Segundo. A existosa estratexia do PP en Galiza: deslexitimar os gobernos de coalición porque seica o lexítimo é que goberne a forza máis votada: pois???

En fin, bastante temos co da casa pero digámolo polo menos...

terça-feira, março 24, 2009

PREXUIZOS

O Parlamento Europeo tumba as teses dos grupos contra o galego

Se o resultado fora o contrario, Europa seguiría a ser a culpábel de tódolos nosos males.

Como foi o que foi, a resposta é "vedes, até en Europa..."

domingo, março 22, 2009

VIAXE A AMSTERDAM

Fun con varios amigos; con estes conversei:
Bobbio, N. Esquerda e dereita;
Alonso, A. Un país a medio facer;

A este deixeino para máis adiante:
Hayek, F.A. Principios de un orden social liberal

E volvín con algún máis, con este estou agora parolando:
Murakami, H. After dark

e con este penso conversar cando teña un mínuto:
Stuart Mill, J. Utilitarianism e The subjection of women

Cal será a síntese de tanta conversa?

sexta-feira, março 13, 2009

O QUE PENSO QUE DEBERÍA SER




A esquerda posíbel: socialdemocracia, keynes verde

A nación posíbel: soberanía compartida, europa, cooperación para o desenvolvemento

A organización necesaria: un partido con diversidade, non unha fronte

O MAL DAS BALEAS....


Os científicos non atopan explicación, pero ás veces acontece. O gregarismo, cando o lider está desnortado, pode levar a este resultado....

Estou preocupado.

quinta-feira, março 05, 2009

BEIRAS

Falou Beiras, e fíxoo alto e claro, como de costume. Pero a min non me convenceu, o que vén sendo unha constante dende vai tempo.

Falou de refundar o BNG o que para Beiras implica recuperar as esencias do primeiro BNG.
Isto é, recuperar o frontismo na súa fasquía inicial. Un modelo que, na miña opinión, hoxe non ten nin xustificación teórica nin práctica. Teórica porque a realidade galega dinos unha e outra vez que non responde ás lóxicas do colonialismo tradicional, que é a que responde o modelo frontista. Práctica porque implica manter estruturas para aumentar as cotas de poder. É un absurdo pensar en reeditar a antiga permanente con Colectivos Socialistas, PNGs, ENs, EAs, MB, Irmandiños, UPGs...

Falou tamén de pedirlle perdón aos movementos sociais e de que o BNG sexa o partido reflexo deses movementos. Este aspecto é quizais o único novedoso do discurso de Beiras, aínda que el diga que xa o BNG era iso, que fora un adianto do que vai vir no futuro. Sen embargo tampouco comparto esta opinión. Os movementos sociais son unha cousa e os partidos políticos outra. Non coñezo organizacións políticas no noso contorno (que non sexan antisistema) que sexan correas de transmisión dos movementos sociais.

Fai falla outra cousa.

IRONÍAS...

...da vida. Quen substitúo máis eu pensamos igual. E tamén coincidimos co ínclito Mr Burns.

quarta-feira, março 04, 2009

BNG CRISIS

Pero como a dos chinos, esforcémonos para que veña con oportunidades.
Se a crise é estrutural o cambio debe ser tamén estrutural.

segunda-feira, março 02, 2009

POR QUE?


Responder necesita cambiar de chip e moita reflexión polo que seguramente peque de precipitación.... e de simplismo.

Dúas razóns entrelazadas:

a) Crise Económica: no BNG (e no bipartito) non chegamos a capturar a profundidade da mesma, como lle está xa a afectar á xente (ou como percibe a xente que lle vai afectar xa). As razóns, haberá que debullalas máis adiante.

b) Goberno Sólido e Unido: é o que solicitaba a cidadanía diante da crise económica, é o que lle ofertou o PP. O BNG e o PSOE esforzáronse por parecer moi diferentes ao longo dos 4 anos, de pouco servíu non perder votación algunha.

Gañou o mellor? Non. Gañou quen mellor percibíu o anterior, quen fixo a campaña tendo iso moi claro.

Todo o demáis tamén conta, claro.
Esta web apoia á iniciativa dun dominio galego propio (.gal) en Internet Esta web apoia á iniciativa dun dominio galego propio (.gal) en Internet